Kawatan
Kung ang iyong akala, tuluyan ng pumanaw,
Ang pinakadakila sa lahat ng magnanakaw
Ikaw ay nagkakamali, malinaw na malinaw
Buhay na buhay muli, dumami pa mga halimaw..
mag-na-na-kaw…
magnanakaw sa opisina, may ninakaw nanaman kanina
mandarambong sa gobyerno, pakitong kitong kahit paano
pakitong-kitong pakitong-kitong.
kahit saan dadapo, daig pa mga langaw
maninipsip ng dugo, pagka’t sila’y uhaw na uhaw
lahat ng ‘yong pagkain, kanilang inaagaw
masibang lalamunin, pagka’t sila’y napakatakaw…
tikbalang ang pangalan, baling ang palayaw
nasa kapangyarihan, yun parin ang sinasayaw
sila’y nagpapaligsahan, at hindi magkamayaw
propesyunal na gahaman, sa pera-pera nasisilaw…
ito nga ba ang bayan ng mga magnanakaw
kung gusto mo yumaman, magnakaw araw araw
mandurukot na walang takot
maya’t maya nangungurakot
mandurugas na walang kupas
kaban ng bayan nililimas
sobra sobra nasa sobre
kaya ang daming mga pobre
‘wag na magnakaw magnanakaw
marami-rami ka ng ninakaw
isauli… isole… isauli… isaole mo!!!
artist: Pan
album: Parnaso ng Payaso
